هه‌سكیفێ باژارێ دیرۆكی ل باكورێ كوردستانێ ناس بكه‌

هه‌سكیفێ باژارێ دیرۆكی ل باكورێ كوردستانێ ناس بكه‌

وار

هه‌سكیفێ باژارێ دیرۆكی ل باكورێ كوردستانێ ناس بكه‌
وار – دهۆك:

هه‌سكف 37 كم دكه‌ڤه‌ باشورێ رۆژهلاتێ باژارێ.ئێلهێ, ل بن چیایێ رامانێ ل به‌ر روبارێ دیجله‌یێ یه‌. دیرۆكه‌ك كه‌ڤن یا هه‌سكیفێ هه‌یه‌, لێ پشتی سه‌رده‌ما نه‌ۆلۆتیك ل جهێ باژار كو ئیرۆ هه‌سكیف لێ هاتیه‌ چێكرن و باژارێ كه‌ڤن یێ هه‌سكیفێ گه‌له‌ك به‌رماهیێن دیرۆكی و چاندی هه‌نه‌.

هه‌سكیف جهه‌كی كه‌ڤنار یێ مرۆڤاهیێ یێ. باژاره‌كی گه‌له‌كی دیرۆكی یه‌. ژ لێكۆلین و لێگه‌رینێن ئاركه‌ۆلۆژیك یێن ل سه‌ر باژێر هاتنه‌ ئەنجام دان دیاربوویه‌ كو دیرۆكا وێ ژ ڤه‌دگه‌ره‌ به‌ریا 12 هه‌زار سالان.

هه‌روه‌سا گه‌له‌ك ئیمپراتۆر و ده‌ستهلاتدارا لسه‌ر هه‌سكیفێ هوكمێ خوه‌ دانه‌ برێڤه‌برن, وه‌كو; رۆما, بیزانس, شه‌ددادیان, ئە‌ییووبیان, ئارتووكیان, سه‌لچووق و عوسمانیان هوكم كرنه‌ و ب تایبه‌ت ل ده‌ما مۆغولیان دا كو گه‌له‌ك ب هۆڤانه‌ هه‌سكف وێران و تالان كرنه‌ و ئەو باژارێ كه‌ڤنار یێ دیرۆكی بسه‌ر هه‌ڤدو دا هه‌رفاندنه‌, لێ ل ده‌مێ ئە‌ییوبیان دا باژارێ هه‌سكیفێ ژ ئالیا ئاڤادانكرنێ دگهێژه‌ ئاسته‌كی گه‌له‌ك باش و كه‌ره‌كی دیرۆكی بۆ وی باژاری تێكرن.

هه‌سكیف ژ به‌ر كو روبارێ دجله‌ تێده‌ ده‌رباز دبه‌ و د سه‌رده‌مێ به‌رێ دا هه‌موو كارێ تجاره‌تێ ب رێكا ئاڤێ دهات كرن, هه‌سكیفێ ژی, ژ به‌ر ل كێله‌كا روبارێ دجله‌ بجیه بوویه‌, جهه‌كێ خوه‌ یێ ستراته‌ژیك هه‌یه‌ و برێكا روبارێ دجله‌ دبوو ناڤه‌نده‌كا تجاره‌تێ.

هه‌ری داویێ هه‌سكیف دكه‌ڤه‌ بن ده‌ستێ.عوسمانیان و هه‌تا رۆژا نها تێ.

ل باژارێ هه‌سكیفێ نێزیكی 5 هه‌زار شكه‌فت و 360 مزگه‌فت هه‌نه‌ و هه‌تا نها ژی پرانیا وان دبن ئەردێ ده‌نه‌. هه‌روه‌سا سالانه‌ ب هه‌زاران گه‌شتیار ژ ناڤخوه‌ و ژ وه‌لاتێن بیانی سه‌ردانا باژارێ دیرۆكی هه‌سكیفێ دكن كو بێهنا دیرۆكێ ژ ڤی باژارێ تێ.

لێ ده‌وله‌تا تركیێ كو ئەو 10 سالن هه‌ول دده‌ به‌نداڤا بناڤێ لسویێ چێبكه‌ .

ئه‌گه‌ر ئەو پرۆژه‌یا ده‌وله‌تا تركیێ ل باژارێ هه‌سكیفێ بسه‌ركه‌ڤه‌ و ده‌ست ب ئاڤاكرنا به‌نداڤێ بكن دێ هه‌موو به‌رماییێن دیرۆكی یێن كو نێزیكی 5 هه‌زار شیكه‌فت, نه‌والا زیها و به‌رماییێن پرا به‌ری, گۆرێن زه‌ینه‌لبه‌گ و ئیمام ئە‌ڤده‌ڵه‌ و مزگه‌فتا ئە‌ررزق و باژارێ هه‌سكیفێ ب ته‌مامی دبن ئاڤێ ده‌ بمینه‌.

هه‌روه‌سا دڤێ ده‌ربارێ ده‌ گه‌له‌ك چاله‌كی ل دژی ده‌ركه‌تنا پرۆژه‌یا به‌نداڤا هكوومه‌تا تركیێ كو ئەو چه‌ند سالێن د ناڤ خوه‌ و ژ ده‌رڤه‌یی وه‌لات ژ ئالیێ رێخستنێن سڤیل یێن ناڤ خوه‌ و جیهانی تێنه‌ ل دارخستن ب پشته‌ڤانیه‌كا مه‌زن ژ ئالیێ خه‌لكێ باژێر و هه‌رێمێ بۆ هه‌سكیفێ تێن كرن. هكوومه‌تا تركیێ به‌رده‌وامه‌ ل سه‌ر هه‌ولێن خوه‌ بۆ ژێر ئاڤكرنا باژێرێ كوردان و جهێ كه‌ڤنار و دیرۆكا مرۆڤاتیێ ل هه‌سكیفێ.

میدینا مه‌ حموود

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.