گرنگترین مفایێن رێڤاسێ

گرنگترین مفایێن رێڤاسێ

WAAR-دهۆک:

هەرسال ڤی دەمی بازارێن کوردستانێ پری گیا و خوارنێن کوردی دبن، رێڤاس ئێک ژ وان گیایانە یێن کو تایبەتییا خوە ل دەف خەلکێ کوردستانێ هەیی و تام و خوەشییەکا تایبەت هەیە، ژبەرکو وەکی مۆزان یا درێژە و دهێتە سپیکرن لەوران گەلەک جاران ب مۆزا کوردی دهێتە ناڤکرن، ناڤ و دەنگێن مۆزا کوردی رێڤاسێ ژ سنۆرێن کوردستانێ دەربازبوون و گەهشتنە وەلاتێن پێشکەفتی یێن وەکی ئەمریکایێ ژی کو نها ئەو وەلاتە گرنگییێ ب ڤی گیایێ خوەش و بالکێش ددەت.

زانکۆیا ئەتلانتیک یا ئەمریکایێ ب پێدڤی زانییە لێکۆلینان ل سەر رهێن رێڤاسێ بکەت، دا بزانیت نهێنییا ڤی گیایێ ب تام چیە؟ پشتی چەندین لێکۆلینێن ڤێ زانکۆیێ، گەهشتنە هندەک ئەنجامان کو رێڤاسێ ژبلی تام و خوەشییێ مفایێن خوە ژی هەنە، ژ گرنگرتین مفایێن رێڤاسێ رێگرییێ ل نەخوەشییا پەنجەشێرێ دکەت و رێڤاس ناهێلیت خانەیێن پەنجەشێرێ دناڤ لەشی دا بەلاڤ بن.

د بەردەوامییا وان لێکۆلینان دا دیار بوو کو ماددەیێ پۆلیفێنۆل (polifenol) دناڤ ڕیڤاسێ دا هەیە، کو ئەڤ ماددەیە ناهێلیت خانەیێن پەنجەشێرێ ب کارێ خوە رابن و رێگرییێ ل بەلاڤ بوونا وان دکەت، هەروەسا رێڤاس ب ڤیتامینێن وەکی (C, A, B1, B2, E, K) و گەلەک مادە و کانزایان ژی یا دەولەمەندە، ژ هەمییا پتر ڤیتامین سی دناڤ رێڤاسێ دا هەیە، ب تایبەتی دەمێ رێڤاس یا تەر و نوو بیت، مفایەکێ گەلەک مەزن تێدا هەیە ژ وان مفایان رێگرییێ ل دلرابوونێ و نەخوەشییێن هناڤا دکەت، هەروەها لەشی ب ‌هێز دکەت، ژبۆ ژنێن دۆگیان ژی تایبەتییا خوە هەیە ژبەرکو ناهێلیت راڤ ل سەر لەشێ ژنێن دوگیان دروست ببن و ئەگەر هەبن ژی وان راڤان ژ ناڤ دبەت، دیسان ژ بۆ پەرسیڤ و کوخک و نەخوەشییێن سەرمایێ ژی گەلەک یا باشە و ژبۆ دودلی و کێمخەوی و وەستیانێ ژی رێڤاسێ تایبەتی و مفایێن خوە هەنە.

رێڤاس گیایەکە ل دەمێ بهاران ل چیایێن کوردستانێ شین دبیت، ب شێوەیەکێ بەربەلاڤ ژ لایێ خەلکی ڤە دهێتە خوارن و ژبۆ هندەک ئێش و نەخوەشییان ژی دهێتە بکارئینان.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.